من باب إن النظام في الحاجة بيسهلها وبيخليها تمشي أسرع
فدي بعض الملاحظات اللي أتمناها من زمايلي في دفعة 73
مراجعة وثيقة التخرج في الإرشاد الأكاديمي هتبدأ يوم الأحد ومش هتكون يوم واحد بس أكيد
الناس اللي ما عندهاش جيش أو شغل تستنى على مراجعة الوثيقة وما تروحش يوم الأحد (مشكورين) لأن الناس اللي عندها جيش شافوا وهيشوفوا طوابير ومشواير كفاية ، فخير من زمايلهم إنهم يخففوا عليهم الطوابير والمشاوير
البنات نفس الحكاية تنتظر (مشكورين) يوم الأحد بحيث يسمحوا لزمايلهم اللي عندهم جيش يلحقوا ينجزوا إجراءاتهم
حافظوا على النظام وقت الزحمة وحاولوا تتفقوا على حاجة تنظمكم لو الدنيا اتزحمت ... والله النظام سهل جدًا وكل العالم بيقدر ينظم حاله .. واحنا فينا نفس عقل كل العالم
-----------------------------------------
بالنسبة لزملائي في قسم كيمياء :
لو حد عاوز يراجع وثيقته من غير ما يروح الكلية الصبح يبعت لي (النهار ده أو بكرة أو بعده) رسالة على الخاص فيها:
1. اسمه
2. رقمه الجامعي (ومش عايز باسورد)
3. رقم موبايله عشان أقول له إني خلصت له المراجعة
4. المكان والوقت اللي يحب يستلم ورقه متراجع وممضي من الإرشاد ومختوم من رئيسة القسم (قول لي يوم الأحد الساعة 2 في طريق الحرية أو يوم الأحد الساعة 7 في نقابة المهن العلمية أو يوم الاثنين الساعة 2 في طريق الحرية أو يوم الاثنين الساعة 7 في نقابة المهن العلمية أو يوم الثلاثاء في المكان والميعاد اللي يناسبك انت)
أنا مش هكون خسران حاجة، دي حاجة إن شاء الله تكون سهلة عليا وغير مكلفة ماديًا
وزميلي مطلوب منه يدفع فقط ثمن أوراق الطباعة لأني مش هقدر أدفع للعدد اللي هخدمه كله أكيد
----------------------------------------