| فيس بوك - مسنجر - تلجرام - النقابة - اللجنة العلمية - شات اللجنة - التدريب الصيفي |

| Google - Translate - Ershad - تساؤلات معايرة |


شاطر
avatar
مؤسس المنتدى
مؤسس المنتدى
المساهمات : 334
تاريخ التسجيل : 01/05/2018
العمر : 22
الموقع : khaledharbii.yoo7.com
معاينة صفحة البيانات الشخصي للعضوhttp://khaledharbii.yoo7.com
27072018
بوست مهم جدا

أهم 20 نقطه علشان تعدى اى انترفيو (مقابله) بنجاح ان شاء الله :
----
1- ادخل على موقع الشركه الالكترونى اللى هتتقدم ليها وادرسه كويس ( ايه خدمات الشركه..منتاجتها ..الهيكل التنظيمى ليها..فروعها..سياستها..اهدافها..الخ)..ذاكرهم كويس.
"
2- جمع ملعومات عن المكان اللى انت رايح تتقدم ليه قبل الانترفيو ( طبيعة الشغل..عدد الساعات..المرتب الموجود..الخ)..حاول تجمع اكبر قدر من المعلومات قبل ماتروح من خلال معارفك او ناس كانوا شغالين هناك بقدر الامكان.
"
3- ذاكر كويس جدا كتاب واحد على الاقل يخص الوظيفه اللى انت متقدم ليها..احفظه..افهمه..يبقى عندك معلومات فنيه تقدر ترد بيها.
"
4- اطبع السى فى بتاعك طبعه كويسه وضعه داخل ملف شكله كويس ( هكتب بوست قريب عن ازاى تعمل سى فى).
"
5- اهتم بمظهرك وانت رايح الانترفيو ( خليك فورمال..)..البنات برده خليكو فورمال..انتى رايحه انترفيو مش حفلة رأس السنه Smile.
"
6 - فكر قبل ماتدخل الانترفيو فى شخصيه ناجحه انت شفتها وتخيل نفسك الشخص الناجح ده (تدريب نفسى لكسب الثقه)..ماتقلدوش..بس اكتسب ثقه منه.
"
7- اعمل بروفه فى خيالك للاسئله وطريقة الاجابه عليها قبل الانترفيو..اختار مسبقا الالفاظ اللى هتقولها.
"
8- جاوب على قد السؤال ولا تطرق لاجابات عامه..خليك محدد فى اجاباتك دون اختصار او اطاله.
"
9- ادخل الانترفيو وانت متفائل لدرجه انك واثق ان شاء الله انك هتقبل فى الوظيفه دى بنسبه 100 %..ده هيديك ثقه كبيره اثناء الانترفيو.
"
10- ماتقطعش حد اثناء كلامه..سيبه يكمل الاسئله وابقى رد بعد كده.
"
11- السؤال الشهير ..كلمنى عن نفسك ..ترد بالاتى : ( اسمك..سنك..تعليمك.الكورسات اللى خدتها .شغلك اللى اشتغلته قبل كده..انجازاتك ان وجدت..)..بس ماتكترش عن كده ..بلاش جو بحب كورة القدم والبولينج والكلام ده Very Happy
"
12- السؤال الشهير : ايه عيوبك..ترد بالاتى ( قول اى عيب حقيقى عندك)..وقول انت بتعمل ايه علشان تتغلب على العيب ده..( خللى بالك انت عارف وهو عارف ان كلنا عندنا عيوب..فخليك واقعى فى ردك هتكتسب احترام كبير منه).
"
13- السؤال الشهير : تتوقع المترب كام ..ترد بالاتى : ( لو عندك معلومات عن المرتب فى المكان ده ..زود عليه 20 %..لانه غالبا هيفاصل معاك ..لوماعندكش معلومات..شوف انت بتاخد كام وزود عليه 25 %..وبرده هيفاصل معاك)...لو قالك ان المرتب المعروض كذا ..وهو اقل من توقعك..ماترفضش فى وقتها..قوله هاخد فرصه افكر وارد ان شاء الله بعد يومين..
"
14- السؤال الشهير : ايه نقاط القوه عندك ..قول الحقيقه ..ركز على مهاراتك..زى السرعه..الاستجابه...الدقه..الخ ( ماتكدبش برده).
"
15- السؤال الشهير : ليه سبت الشغل فى المكان الفلانى : اوعى تذم فى المكان ده ولا تذكر اى شىء سلبى عنه...قول انك جالك عرض افضل او مكان افضل أو هتتعلم حاجه جديده او اى اجابه اخرى غير انك تذم فى المكان ده.
"
16- السؤال الشهير : لو جالك مرتب اعلى من عندنا هتسيبنا : ترد بالاتى : المرتب من المعايير المهمه فى اختيار اى وظيفه ولكنه ليس المعيار الوحيد..فى معايير اخرى زى الاستقرار فى المكان والراحه النفسيه و العلاقات البينيه مع الناس. .الخ
"
17- السؤال الشهير : ايه اهدافك فى الحياه : قسم الاهداف الى اهداف وظيفيه واهداف خاصه ..الاهداف الوظيفيه انك تحقق التارجت المطلوب منك كل سنه ..الاهداف الشخصيه ..قول اللى انت فعلا بتسعى اليه..
"
18- خللى بالك جداا من لغة الجسد اثناء الكلام..خلى عينك دائما فى عين اللى بتكلمه..ماتتحركش كتير ..اقعد بشكل مريح على الكرسى..خد نفس بطريقه طبيعبه..درب نفسك على عدم التهته اثناء الكلام....الخ
"
19- السؤال الشهير : مش عاوز تسأل فى اى حاجه : لازم تكون مجهز سؤالين ثلاثه تسألهم ..زى عاوز اسأل عن التارجب الشهرى للوظيفه دى..اسأل عن رؤيه القسم ده بعد 5 سنوات..الخ
"
20- اعرف ان الشخص اللى هتعمل معاه انترفيو ده ماهو الا شخص عادى جداا وقلبه وعقله بيد الله عز وجل وان ربنا لو اراد لك انك ستقبل فستقبل..فماتعلقش نفسك بالشخص ده لانه لا يملك من امره شىء..(ماتخفش من حد).
..
ربنا يوفقنا جميعا Smile

مُشاطرة هذه المقالة على:diggdeliciousredditstumbleuponslashdotyahoogooglelive

تعاليق

لا يوجد حالياً أي تعليق

صلاحيات هذا المنتدى:
لاتستطيع الرد على المواضيع في هذا المنتدى