سؤال عنيف وشديد اللهجة والله ...
يا ريت كل الناس ترد عليا وتعرض وجهة نظرها (الدكاترة والإتش أر واللي شغالين في شركات والطلبة اللي واخدين كورسات في الموضوع)
==============
دايمًا لما بوري حد السي في بتاعي بيقول لي انت ليه مش عامله إنجليزي؟
السؤال بقى : هو ليه أنا أعمله إنجليزي أصلاً؟
عايز كدة مبرر ليه أنا واحد عربي أعمل سي في بالانجليزي واروح مديه لواحد عربي تاني يقراه هو كمان بالانجليزي
ليه اللف والدوران
علمًا بإن ترجمة السي في للغات مختلفة (فرنسي ، إيطالي ، إنجليزي ، صيني ، مريخي) ما عنديش فيه مشكلة (إن تطلب الأمر أو المكان ذلك) لكن ليه بالذات انجليزي يبقى العادي بتاعي ؟؟
أتمنى الإجابات ما يكونش فيها أي انبطاح للوضع اللي احنا فيه أو استسلام أو ذل
* السؤال التاني : ايه البديل للكرامة والعزة لواحد مستغني عن لغته من غير أي أسباب؟
=============
إجابتي على ليه بعمل السي في عربي :
لأن دي لغتي أنا وهوديها لواحد لغته عربي حتى لو هو بيحب الانجليزي يحبه بعيد عني،
بيبقى عندي شعور بالذل لما أقدم سي في إنجليزي والله ، كأني مش راجل ومش بعمل اللي أنا عايزه | لغتي عربي وأنا عربي ، ايه المبرر أو السبب اللي يسمح لي أستخدم لغة تانية بدون احتياج.