ورقة بيضاء

الحمد لله الحمد لله
النهار ده من الساعة 9 بيتهيألي بحاول أوصل لكود يسهل ويخفف منتدى الإرشاد

وحصل واشتغل

والله من توفيق ربنا والله
أنا أصلاً بطيخة بس الكود اشتغل وانا موافق

الحمد لله

اللي بالعربي ده كودي القديم شغال كويس
اللي بالرموز ده الكود الجديد شغال كويس بس ناقص يتضاف له Unicode مناسب بيتهيألي (على سبيل الهبد)

الحمد لله خير

اروح اذاكر بقى بدل ما انا بزنق نفسي وفي الآخر أحسبن في اللي حواليا

النهار ده خلصت امتحان أصبااااغ وهي المادة الأسوء على الإطلاق لهذا الترم بلا منافس أو منازع

الحمد لله على ما يعطي

في تصفير في ودني ولكنه شمعه ؟!!
اتبع الدكتور لده لما اروح

لا إله إلا أنت سبحانك إني كنت من الظالمين.

باقترح على دفعة 74 لو يتشاركوا مع بعض في بحث التخرج لإنشاء حاجات مفيدة ضخمة مفيدة اقتصاديًا للكلية

يعني مثلاً لو كل الطلبة تشترك مع بعض لإنشاء وحدة بسيطة لإنتاج الmethyl ethyl ketone اللي بتستخدمه شركة أموك كـ solvent ، تخيلوا الفلوس اللي الكلية ممكن تحصل عليها مقابل ده ، تتكلموا في البحث عن كل حاجة من الوحدات المطلوبة (reaction units) ونظريات كل وحدة ، وطريقة إنشاءها هندسيًا والاستفادة بيها صناعيًا ، والجدوى الاقتصادية من البحث (انتوا 30 - 40 طالب يعني مش هياخد من كل طالب حاجة خالص - نهائي ده بحث صغير يعتبر لكنه عظيم)


أو تشترك الدفعة كلهة بردو في بحث بعنوان : "تقييم...

فيه مستجدات طرأت عليا الأيام اللي فاتت :
١. تحاليل طبية لا أفتخر بها
٢. ظهري أصبح في حال سيء فعلاً
٣. والدتي صحتها مزعلاني
٤. حيرة شديدة بخصوص الارتباط

أنا خايف من ١٩ يوم للي فاضلين لي والله
ربنا يعديهم على خير
عندي أمل في الله

صاحبي مشغول اكتر مني
فمن المتوقع بشدة إنه يقصر في تعامله معايا أكتر ما انا بقصر في تعاملي مع الناس
شوف بقى انا مقصر مع الناس ازاي
إذن ، خليك طويل البال يا خالد

...


يا رب وفقني وصاحبي

أظن د. أحمد قاسم لو يعرف إنه مبهدلنا في مادته أصباغ ضميره مش هيكون مرتاح

مش عارف ده بسبب تقصيري مع المادة ولا فعلا هو كدة ، بس أظن إني باخد منهج غير جيد يعني

عندي قلق كبير تجاه أصباغ
خايف منها وحاسس إنها هتتعبني في لمها

قال الحسن البصري: والله إني لأعلم ذنبي في خلق زوجتي وفي خلق دابتي. يعني: أنه يكون مع الزوجة في عيشةٍ هنيةٍ فإذا –وبلا سبب- أرى الزوجة قد كرهتني وتغير تعاملها معي, لذا قال تعالى [وَمَا أَصَابَكُمْ مِنْ مُصِيبَةٍ فَبِمَا كَسَبَتْ أَيْدِيكُمْ وَيَعْفُو عَنْ كَثِيرٍ]

ظهري تاعبني جدًأ ، مش عارف ممكن يكمل معايا الترم ده ولا ايه ؟

وانا لا أحرك ساكنًا

هذا ضعف وعيب والله

أخاف أبص لحاجة عجبانيي كتير والله مخافة إن ده يسبب لصاحبها أذى

الصحة - الجمال - الذكاء - التقدير الحلو - أي أي حاجة

ربنا يحفظ نعمه على كل الناس ويزيدها من فضله وكرمه

الحمد لله على كل حال والله وأنا راضي عن كل شيء فعلاً بغض النظر عن شوية كلام ممكن اقوله هنا يدل على غير ذلك ، فأنا فعلاً راضي حتى لو قلت كلام لا يظهر ذلك ثليلا


النهار ده يوم عكننة شوية  :
براجع مادة بصعوبة جدًأ
مرهق جدًا
قمت بما لا أحب القيام به
قلت لواحد على حاجات اول مرة اقولها
سمعت عن بنت انفصلت عن خطيبها
نتايج التحاليل مضايقاني وقالقاني رغم إنها متوقعة بشدة
ظهري واجعني

معاني إحساسها حلو

من الناس اللي بشهد لها بالأخلاق الرفيعة والمعاملة الحسنة وتقدير الناس
عمو أحمد فتحي زوج عمتي
أسأل الله له التوفيق والنجاح في دنياه وآخرته

اللي فكرني بالموضوع إني لقيت واحد في المشروع بيعامل الناس بأقل من التقدير المطلوب
فافتكرت لو كان عم أحمد هو اللي بيتعامل كان هيكون أفضل بكتير للمجتمع

لما عملت منتدى الإرشاد الأكاديمي

د. محمد العطوي جزاه الله خيرًا ، قال لي وأعلن إن درجات أعمال السنة بتاعتي هتكون كاملة ،، يعني هاخد 50\50 في أعمل السنة

ويبقى كدة فاضل لي الامتحانات النهائية (على ما أعتقد يعني)

حصل إني سجلت في سيكشن د. محمد العطوي مش موجود فيه وما رضيتش اغيره لأن أنا وعلاء كنا مع بعض ومرتاحين في السيكشن ده

فالحمد لله ربنا كرمني وجبت 100 من 100 مش بس 50 من 50

فالموقف طريف يعني ، تعويض جميل من ربنا

هو سهل تجيب درجة كويسة في السكاشن عادي يعني ، لكن الموقف طريف

الحمد لله على ما يعطي

الحمد لله

بيني وبين ربنا والله لم أقم بعمل من اللي اتهمني بيه أو حتى بيفكر يتهمني بيه (تطبيل)

فالمفروض أكون مطمأن ، من باب اليقين بربنا

هو أعلم بنواياي وهو وكيلي

حسبي الله ونعم الوكيل

اللهم أبعد عني شرور الناس ، وأبعد عن الناس شروري

الرجل والشجاع والإيجابي كان يصارح لما يشوف مشكلة مضايقاه كدة

مش يتكلم من تحت لتحت

وأول ما أطلب منه يتكلم عن اللي مضايقه ما ينطقش ولا كلمة

بجد لا أرى في هذا رجولة أبدًأ

جواك حاجة تخليك قدها ، لكن ما تخافش طالما فاكر نفسك على حق

لما يتطلب منك 4 مرات وما تردش يبقى مليش دعوة بقى مش باخد الكلام من جلدك انا

أنا لا بعض حد ولا بزعل من حد اتكلم معايا في مشكلة فيا

في ناس دماغها سيئة والله ، حتى صعب تتفاهم معاها

النهار ده شريف عكنن عليا فعلاً وضايقني بظنه السيء

الله يهديه

أنا ما غلطتش معاه في حاجة وهو الغلطان بيتهيألي

ربنا المستعان والهادي

واحد من زمايلي مصر إن إنسان بيطبل للدكاترة عشان أوصل لحاجة معينة

والله أنا لا عارف فين التطبيل ولا عارف ايه اليي ممكن اوصل له

بس قشطة

أنا حاولت معاه كذا مرة ، وكلمته بكل خير

وحاسس إني عملت اللي عليا كويس أوي

مش مايل لإن أعمل حاجة تانية خالص ، مجرد هعامله كويس واحترمه وهو بقى براحته

عايز يتفهم يتفضل ، مش عايز مش هتفرق في حاجة خالص والله

الفكرة إني لا أحب التشاحن

فخير


--------------------

بحس إن الغباء عشان ببلاش الناس بتتغابى

أنا بفكر بشدة اعل مناظرة بفلوس بخصوص موضوع التطبيل ده

عشان اللي عنده جراءة يتكلم بوجهة نظره يتفضل

والله العظيم مش نايم النهار ده غير لما أخلص المحاضرة 2 و 4 كاربو ، واقطع شوط كويس في أصباغ

عشان انا حتى الآن من الساعة 6 ما خلصتش غير محاضرة 1 كاربو بسبب الدلع والاهتمام بحاجات تانية ، خلاص لو هاجي على حاجة ما اجيش ع المذاكرة ، اجي ع النوم

أنا الصبح ضيعت ساعة ونصف بصور لواحد ورق نووية الترم اللي فات

ودلوقتي ساعة ونصف باعمل تصميم بسيط جدًا للجنة




مفيش وقت يضيع كدة والله
لو انا فاضي اريح ظهري شوية بدل ما هو اشتكى فعلاً

We are shaped by our thoughts; what we think we become. With our thoughts, we make the world. The mind is very powerful. Using our minds is a faster method to get what we want. Our life is the creation of our mind. Whatever we think about and thank about, we bring about.

صاحي الصبح وداني مقفولة

ومش عارف ده مشكلة بسبب ظهري ،

ولا بسبب الصوت العالي بتاع حفلة امبارح (يا رب يكون بسبب الصوت)

هو دلوقتي مش حاسس بيها أوي ، بس سناني بتوجعني شوية

باكتب عشان افكر نفسي لو رحت لدكتور

طالما جوه دايرتك الحمراء مش مليان سعادة
ما تعتبرش نفسك سعيد ،

دور على سعادة ورضا الناس القريبة منك قبل ما تقدم إنجاز للي بره

الأقربون أولى بالمعروف

الكلية خلت الواحد مش فاضي يحس ويزعل

يعني فيه مشكلة دلوقتي ،

وانا قاعد أذاكر ، مش هعرف أنام والمشكلة قائمة ، ولا فاضي اضيع ساعة ساعتين

لا حول ولا قوة إلا بالله

دي قضية قصاد ربنا والله إن حد يعمل فينا كدة

أنا باكتب كل حاجة بفكر فيها لكذا سبب
أولاً لأن أنا في ساحتي الحرة واعمل فيها اللي أنا عايزه
وأحد أهداف إنشاء منتدى ليا إني أكون براحتي ع الآخر وما اوجعش دماغ حد غيري

ثانيًأ : لأني لو ما كتبتهاش دلوقتي ، هفضل افكر فيها وهتمنعني عن المذاكرة

ثالثًا : لأني ساعات الحاجات اللي بفكر فيها بتحصل وببقى عايز إثبات إني كنت بفكر فيها ومش بلاقي
فده هيكون بمثابة إثباتات لبعض الحاجات بردو

في النهاية / أنا في ساحة حرة ، أبرطع فيها براحتي

أنا قلقان على ظهري وحاسس إني في مشكلة والله

ربنا يستر

بجرب يدوب أعمل تمرين الرقبة اللي بلف رقبتي فيها دائري ، حاسس بوجع فيها

الله يستر

احتياج الشاب للبنت تقريبًا مش حاجة واحدة ،
الرجل والبنت بالنسبة لبعض بيكاملوا بعض في حاجات كتير

كل الصلابة اللي الراجل فيها دي محتاج يدخلها اللين عشان يرتاح

نفسيًا الرجل اللي عنده إنسانة تراعيه أكيد هيكون أسعد مليووون مرة من حد سينجل أو حد عنده واحده تنكد عليه

نفسي أشوف الناس وأنا من الناس أكيد ، يعيشوا الحب كله ، ويعاملوا بعض بحب كبير ، ويساعدوا بعض في كل نواحي الحياة ،

ويضعفوا قصاد بعض ، في الزعل والنكد والمصاعب والمتع والاحتياج ، ، ، إحنا لازم نؤمن بإنسانيتنا

كان ممكن ربنا يبدلنا بتروس المكن ، بيأدوا شغلهم على أكمل وجه أحسن مننا...

ما تنساش أبدًا إنك إنسان ليك مشاعرك التزاماتك العااااااااااطفية والأخلاقية والدينية والزوجية والكل حاجية

ما تكونش ناجح في شغلك بس

انجح في كل حاجة

يا فرحتي بالشخص الشاطر اللي جايب الأول في المادة البربء وضهره مأتب ولا صحته متدمرة ،

طب ما انت كدة فاشل في الحفاظ على صحتك

النجاح هيئة متكاملة وإنسان بيراعي ربنا في كل مجالات حياته

بس يا سيدي

لا داعي إلا للوم نفسك فأنت لست ناجحًا

الحمد لله
كمت المركز الأول في سيكشن عضوية ٤ بمجموع ٩٩ من ١٠٠

شيء جميل إني اسمعه

وأتمنى من الله دوام التوفيق والكرم ‎‎

أنا قلقااان جدًا على صحتي أكتر ما قلقان على الكلية

ومفيش حد يستحق اللوم غير نفسسي


لا تلومن إلا نفسك -_-

ادي المكان اللي انت رايحه حقه وتكون فيه باللمعان المطلوب

لو رحت مكان بهيئة غير مناسبه بتتعكنن وبتتحرج من نفسك

مش هتعرف تقف في المكان اللي انت عايزه ولا تشارك كويس في أي تفاعل ولا حتى التسليم على حد مناسب ‎‎ ،

ما تعكننش نفسك وخليك واعي شوية

مجتمعنا اوحش بكتير من انك تعمل الصح فيه بكل جراءة كدة

أخرجوا آل لوط من قريتكم ؛ إنهم أناس يتطهرون

لو حبيت تعمل الصح ، اعمله بالراحة واستشير الناس ودور على الحاجة اللي ترضي جميع الأطراف

الحمد لله حمداً كثيرًا طيبًا مباركًا فيه ملئ السموات وملئ الأرض وملئ ما بينهما وملئ ما شئت من شيء بعد.

التابلت النهار ده نسيته في مكتبة الكلية ، وكنت ناسي انا سايبه فين

الحمد لله لقيته في مكانه ،


وكالعادة تعبان من دماغي

بتنسى ومش بتركز وبتخسرني حاجات كتير

وده بسببي أنا

ربنا المستعان

mendely


ده برنامج مهم للأبحاث

شوف ال about بتاعه

https://www.mendeley.com/reference-management/reference-manager

واعمل له download

مش شرط تكون الحاجة صفر عشان أوقف استخدامها ، ممكن يكون معايا ٢٠ جنيه رصيد و٤٠ جنيه رصيد ومع ذلك لو الباقة خلصت ما اتصلش بحد خالص إلا بتفكير لأن ال٤٠ جنيه دول تمن باقة الشهر الجاي، اللي اقصده إني ما تمشيش متساق مع الظروف ، أحاول أدرس شئوني وامشي حياتي تبع دراستي واستعين بربنا يهيأ لي أقداره في اتجاه دراستي لحياتي وأهدافي. قيس على ده أي حاجة مش الفلوس بس.

شركة إيثيدكو منزلة تدريب النهار ده وعلاء مش مطلع إفادة
ومن الصعب جدًا إن علاء يتدرب النهار ده
بسبب مبدأ النقابة في تساوي الفرص
يعني مش هينفع أتوسط له أو استأذن أو أي حاجة

فأنا هروح دلوقتي النقابة لكن احتمال كبير ما احجزضش في إيثيدكو
وانتظر شركة تانية أنزل فيها أنا وعلاء ،،

يا رب ما اكونش كدة جاي على رغبة حد ، أو سببت تأخير لقرارات

تقريبا بعد التخرج، هحتاج عشان أرجع لصحتي تاني ، ما يقرب من ٢٠ ألف جنيه أو أقل بحاجة بسيطت

هيروحوا في عمليتين وتحاليلهم وكشوفاتهم + علاج آلام ظهري + فحص شامل (يعتبر أرخص حاجة في اللي انا قلته).

في النقابة ، الناس الموجودين رغم إنهم يقدروا يعملوا اللي أنا وزمايلي بنعمله بشوية تليفونات ، ومعاهم العلاقات الكافية لكل اللي هم محتاجينه
إلا إنهم بيشغلونا احنا دائما وبيفضلوا محملينا المسئولية لغاية قرب فوات الأوان
بحيث نقدر نتعلم منهم هم بيوصولوا ازاي والشغل في النقابة وفي العمل المدني بيكون ازاي

شكرًا ليهم ، ويا رب يكون نيتهم طيبة ، ويجعله في ميزان حسناتهم

العمل المدني بيكسبك من احتياجاته خبرات ، يعني أنا مثلاً مطلوب مني تصميم عن حاجة اسمها الميتا هيلث ما اعرفش عنها
فكسبت خبرة اني هتعرف على الميتاهيلث لمجرد إني محتاج أعمل تصميم

يعني فكرة بس إني جوا عمل مدني
بتطورني حاليًا في التصميم ، ناس بتبدأ تعدل عليا فبفهم حاجات اكتر
+
ببتعرفني على ثقافة أكتر ومجالات مختلفة بسبب تشعبها

والله أعلم ايه تاني