| فيس بوك - مسنجر - تلجرام - النقابة - اللجنة العلمية - شات اللجنة - التدريب الصيفي |

| Google - Translate - Ershad - تساؤلات معايرة |


شاطر
avatar
مؤسس المنتدى
مؤسس المنتدى
المساهمات : 277
تاريخ التسجيل : 01/05/2018
العمر : 22
الموقع : khaledharbii.yoo7.com
معاينة صفحة البيانات الشخصي للعضوhttp://khaledharbii.yoo7.com
19052018
باقترح على دفعة 74 لو يتشاركوا مع بعض في بحث التخرج لإنشاء حاجات مفيدة ضخمة مفيدة اقتصاديًا للكلية

يعني مثلاً لو كل الطلبة تشترك مع بعض لإنشاء وحدة بسيطة لإنتاج الmethyl ethyl ketone اللي بتستخدمه شركة أموك كـ solvent ، تخيلوا الفلوس اللي الكلية ممكن تحصل عليها مقابل ده ، تتكلموا في البحث عن كل حاجة من الوحدات المطلوبة (reaction units) ونظريات كل وحدة ، وطريقة إنشاءها هندسيًا والاستفادة بيها صناعيًا ، والجدوى الاقتصادية من البحث (انتوا 30 - 40 طالب يعني مش هياخد من كل طالب حاجة خالص - نهائي ده بحث صغير يعتبر لكنه عظيم)


أو تشترك الدفعة كلهة بردو في بحث بعنوان : "تقييم المخاطر وتطوير معمل في مبنى طريق الحرية" تشتغلوا فيها على تطوير الأدوات الموجودة في أحد المعامل (مثلاً معمل ب عضوية لأن ده اللي انتوا هتشتغلوا فيه بعد كدة) ومتابعة الطلبة في الترم الأول في تجاربهم وايه الحاجات اللي ناقصاهم وتجيبوها لهم وتشغلوهم بيها ... والبحث يكون فيه النظريات المسئولة عن جميع تصرفاتكم (يعني بحث عملي ونظري بيتكلم عنه30 - 40 طالب) ... ويكون ضمن البحث ده طرق لإعادة تدوير الreagents اللي على البنشات ازاي لو باظت نتعامل معاها كيميائيًا ونعمل لها purification وطرق كويسة للمحضرين لتحضير الreagents في أسرع وقت (أو إنكم تعملوا ماكينة بسيطة بنفسكم تخلط الreagents بدقة وسرعة)

قصدي يعني إنكم ك 30-40 دماغ ، تساعدوا بعض وتطولوا أيادي بعض وتوصلوا لحاجة مبهرة للكلية (من غير ما تتعبوا ولا تدفعوا فلوس كتير) .. تساعد الكلية اقتصاديًا وتشرفكم بدل ما كل واحد بياخد بحث مع دكتور .. ما بيستفادش بيه أي حاجة وبيكون زيه زي أي مادة في الكلية ويجيب فيها الامتياز المزيف (زيي يعني للأسف وغيري أكيد) ... اعملوا حاجة تكون بصمة للكلية وتكونوا رواد فيها للطلبة من بعدكم .. تخيلوا لو الفكرة دي اتطبقت في الترم التاني لكل الطلبة هيعملوا ايه بسبب مبادرتكم دي ... أكيد هتكونوا رواد لو عملتوا حاجة كدة


اجماعة في مليووووون موضوع مش شرط الموضوعين اللي انا قلت عليهم خالص .. الشرط الوحيد .. إنكم تعملوا حاجة عظيمة تفيد الكلية وتفيدوا بيها نفسكم وترفع شأنكم والله


تكلفة الحاجات اللي انا قلت عليها تكون من 5000 - 10000 جنيه ، يعني كل واحد في حضراتكم هيدفع من 125 جنيه - 333 جنيه (قمة البخل يعني) (أصلاً أي حد بيطبع مشروع البحث بتاعه اللي ملهوش لازمة ده بيكون بحوالي 120 جنيه)

فكروا في الموضوع

لو رضيتم .. أنا هحاول أشارك حضراتكم في طباعة البحث ألوان بأرخص سعر ليكم ارخص من التصوير الأسود كمان (البحث غالبًا هيكون 1000 ورقة مكتوبين من جميع الطلبة يعني حوالي 35 ورقة كل واحد أو أقل) - هنسق لكم البحث أول بأول - هعمل لكم موقع يجمع بينكم كلكم ويرصد مهامكم ويدير كل واحد ومستواه عشان تقدروا تتابعوا بعض كويس ولو تحبوا إن ده يكون من خلال موقع الإرشاد هعمل كدة أنا واثق إن د. همت هترحب جدًا جدًا وهتساعدكم إداريًا جدًا جدًا وممكن لو قدرت أخليكم تختاروا الدكاترة اللي يشرفوا عليكم (تختاروا مثلاً نخبة فاهمة من الأساتذة ترشدكم وتقويكم)


ربنا معاكم ... بالتوفيق

كونوا عظماء ... ابدعوا - اصنعوا مجد لكم وللكية بعدكم

مُشاطرة هذه المقالة على:diggdeliciousredditstumbleuponslashdotyahoogooglelive

تعاليق

لا يوجد حالياً أي تعليق

صلاحيات هذا المنتدى:
تستطيع الرد على المواضيع في هذا المنتدى