عصف ذهني لفكرة وقت المرشدين

الحلول المقترحة - مزايا وعيوب كل حل :

الحل الأول :

إن المنتدى يكون مفتوح على طول للطلاب (أثناء الفترة المحددة) بدون احتياج لتسجيل كود الطلب ولا التعرض للمرشد

مزاياه : إنه سهل جدًا وسريع ولو مفيش حد سيء في الطلبة .. هيتم على أفضل وجه بدون أي مشاكل ، والمرشدين هيتعاملوا مع طلبات فقط وبأسرع ما يمكن
ضغطة ماوس للموافقة ، ضغطتين ماوس للرفض ، وثيقة التخرج جاهزة في أسرع وقت

عيوبه : إمكانية إيذاء الغير ، إمكانية وضع طلبات مزيفة كتير تشغل المرشدين عن الطلبات الحقيقية ، لا يوجد دخل للكلية وبالتالي لا يوجد تطوير
مخاطرة هذه الطريقة نفس المخاطرة بتاعة الورق بالظبط ، إن طالب يعطي طلب مكان طالب آخر بدون علم المرشد ، ويضر مستقبل زميله ، إلا أنها مخاطرة نادرة جدًا لأن الشر مش موجود فينا بهذه الطريق

حل العيوب:
يمكن حل هذا العيب عن طريق إعلان جميع الطلبات المقبولة والمرفوضة ، وعلى الطلبة في النهاية تفحص رقمها الجامعي إذا كان مذكور عنده طلب ولا لا
الطلبات المزيفة : حله بحذف هذه الطلبات بشكل معين ولكن للأسف هيتحذف معاها بعض الطلبات الحقيقية (يمكن معرفتها)
لا حل لموضوع الدخل بالنسبة لهذه الطريقة

الحل الثاني:
- إن الوضع يبقى كما هو عليه، ولكن أتكفل أنا بأكواد الطلب بدلاً من المرشدين بحيث ينتج إن المرشد يستلم طلبات فقط
مزاياه : إنه سهل جدًا وسريع حتى لو في حد سيء في الطلبة ... هيتم على أفضل وجه بدون أي مشاكل ، والمرشدين هيتعاملوا مع طلبات فقط وبأسرع ما يمكن
بردو نفس الطريقة : ضغطة ماوس للموافقة ، ضغطتين ماوس للرفض ، وثيقة التخرج جاهزة في أسرع وقت

يوجد دخل للكلية ، وده مفيد في تطوير العملية التعليمية بشكل كبير جدًا ... باختصار .. يمكن تجديد كثير من أدوات المعامل + شراء التابلتات عالية الجودة وهذه تعتبر نقلة في طريقة التعليم أصلاً أنا من أجلها عملت المنتدى

عيوبه: إني هنشغل لمدة 4 أيام على الأكثر هتعامل فيها مع الطلبة لتأكيد أرقامهم - الطالب هيضطر ييجي الكلية

حلول العيوب
انشغالي انا راضي بيه جدًا لأني تعبت ع المنتدى أكتر من كدة ، فمش معقول 4 أيام من حياتي هم اللي يرعقلوا الهدف اللي بتمناه بصدق والله (تطوير الكلية ومساعدة الناس)
الطالب كان بييجي الكلية كل مرة يقدم فيها طلب مرة واتنين وتلاتة وخمسة .. وانا شخصيًأ عيطت ادام باب الوكيلة عشان مش عارف أوصل لها ورحت لها عشرين يوم، فبردو ما زال الوضع اللي أنا بقترحه أفضل من الأول بكتير ، على الأقل الطالب هييجي الكلية وهو عارف إني موجود ، مش هييجي الكلية ويتفاجئ إن المرشد مش موجود أو يتفاجئ إنه هيجي تاني بكرة عشان يعرف القبول والرفض وييجي بعده عشان يتابع أو يعيد الطلب أو ما شابه

الملخص :

اقترح أبدأ أعلن عن المنتدى من النهار ده وأخلي كل الطلبة تسجل فيه النهار ده وبكرة ، ومن يوم السبت هكون في الكلية طريق الحرية معايا التابلت والنت بتاعي ، أشوف مصالح الطلبة قبل ما المرشدين حتى يبدأوا عمل ، ولغاية ما المرشدين يخلصوا انا هكون في طريق الحرية مستعد لتأكيد الأرقام على مدار أيام العمل. أتمنى حضرتك تسمحي لي أساعد وكل المطلوب من حضراتكم هو أن تقوموا بالأعمال المتعود عليها لكن على المنتدى بضغطة ماوس أو ضغطتين بدلا من 50000 ألف ورقة في المكاتب

المعيدين فعلاً كانوا تعبانين مع الورق وحضراتكم كدكاترة كنتم بتتعرضوا للطلبة لدرجة التأخر على محاضرة أو التأخر على ميعاد أو الوقوف نص ساعة قبل طلوع المكتب ... كل ده إن شاء الله ينتهي

أنا أتمنى التطور للكلية ، وهذه أول خطوة ، حتى وإن كان لها عيوب فأتمنى محاولة تداركها

شكرًأ

عصف ذهني لفكرة وقت المرشدين

عصف ذهني لفكرة وقت المرشدين

تعاليق