| فيس بوك - مسنجر - تلجرام - النقابة - اللجنة العلمية - شات اللجنة - التدريب الصيفي |

| Google - Translate - Ershad - تساؤلات معايرة |


شاطر
avatar
مؤسس المنتدى
مؤسس المنتدى
المساهمات : 337
تاريخ التسجيل : 01/05/2018
العمر : 22
الموقع : khaledharbii.yoo7.com
معاينة صفحة البيانات الشخصي للعضوhttp://khaledharbii.yoo7.com
19062018
عندي حيرة كبيرة جدًا بين اختياري للمشاركة مع حسن وعمر في مجموعة من الأهداف السامية اللي تخدمنا وأهلنا وبلدنا والناس اللي لها فضل علينا
وبين إني اشتغل على هدفي السامي اللي رسمته لنفسي اللي بيتجه لنفس الأهداف
لكن بشكل أكثر سمو من وجهة نظري

عندي مشكلة
أولاً : خايف أرفض وابقى بعمل نفس اللي بيعمله العرب وهي الفرقة رغم توحد الأهداف
ثانيًا: خايف أقبل لأن مفيش حاجة تقنعني أقبل ... كلام جميل وأحلام وردية عليها دلائل مقنعة .. لكن هذه الدلائل مش بتاعتي .. ومش مدروسة من قبلي ... من الصعب عليا جدًا أتبع طريق رسمه غيري ومش قادر أنا أرسمه ... أنا مش قادر أرسمه ... حاسس إننا بنكذب على نفسنا وبنعشم نفسنا بخير كبير ... لكن هو مش خير

مُشاطرة هذه المقالة على:diggdeliciousredditstumbleuponslashdotyahoogooglelive

تعاليق

avatar
في الثلاثاء يونيو 19, 2018 9:52 pmخالد حربي
بالنسبة للماديات والمشاركة بتزود الصحوبية

بالنسبة للماديات : مش حاسس إني هزود دخلي ولا إني هحصل على الفلوس أزيد من الكارير بتاعي

إضافة لده .. على افتراض إنه أربح بكتير >>> أنا ليه أطمع بهذا الشكل الرهيب

يعني أنا واحد بيفكر في قرب الربع مليون في الشهر مقابل إني أدير حياتي من أولها حتى نهايتها كما أريد وكما أخطط

وجاله واحد بيقول له مليون في الشهر ... بس مقابل انشغال دائم ومشاركة في كل شيء وحياة غير حياتي وغير اللي أنا بحبه

ليه اخد مليون جنيه أصلاً .. أنا راضي باللي أقل من ده لو هعيش بيه حياتي الكريمة وأحقق بيه أحلامي

لكن مش راضي بالفلوس الكتير اللي بعدها مش هعرف اعيش حياتي بل هعيش حياة أكبر من اللي أنا حاببها

أكبر يعني أحسن ... لكن ده أحسن بالنسبة لغيري

مش عارف أحسن بالنسبة لي ولا لا

خايف أكون غبي ... وأكون بستغنى برفضي الدروب شيبينج عن الماديات اللي ممكن تحقق أحلامي ...
avatar
في الثلاثاء يونيو 19, 2018 9:56 pmخالد حربي
خايف أكون غبي ... وأكون بستغنى برفضي الدروب شيبينج عن الماديات اللي ممكن تحقق أحلامي ...

لكن ببساطة .. واحد عارف إنه هيحقق حلمه في 4 سنين بإذن الله

والتاني بيقول لك ممكن والله أعلم تحقق حلم في سنتين بإذن الله بس مش حلمك ... انت هتحقق حلم بس

حلمي ممكن يكون ابسط وأبطأ لكنه مريحني

يعني أنا ليه أطمع ؟؟؟ أنا مش فاهم ليه أطمع

المخاطرة قالقاني

رغم إن نتيجتها قد تكون ممتازة ومرغوبة

بس مش قادر أخوضها
avatar
في الثلاثاء يونيو 19, 2018 9:56 pmخالد حربي
مش حاسس إن الدروب شوب. هيزود صحوبيتنا

بالعكس أنا حاسس إني هتغمس فيه وهنشغل بيه وهقلل من علاقاتي لفترة تانية
avatar
في الثلاثاء يونيو 19, 2018 10:01 pmخالد حربي
عايز أعرف إيه الأفضل لي

سنة ونصف ومن بعدها سنين في الدروب شيبينج وغيره وتكون بتمتلك مرتب كبير جدًا وتبدأ تمارس أعمال خيرية وتحصل على حرية مالية >> شيء ممتاز

ولا 13 سنة من البحث والمحاضرة في العلوم ... تنشئ مؤسستك التعليمية على يدك وتكبر بطلابك وتبني المصانع والأكاديمية ومساكن أهلك و(أصحابك اللي هم أهلك بردو) وبعدها (عند سن ال 35) تقعد مرتاح في بيتك او تتجه للدولة بشكل أعمق ...

في نظري الخيار الأول أفضل بكثير وأسرع وأكثر مالاً ...

لكن الخيار الثاني هو ما بنيته لنفسي وما أشعر فيه بالمتعة ... حاسس إني هعيش طول عمري مبسوط باللي بعمله ... ومعايا أموال طاااااااااااااائلة أقل من الخيار الأول ... لكن ما حاجتي بأموال الخيار الأول

avatar
في الثلاثاء يونيو 19, 2018 10:08 pmخالد حربي
ما عيوب الخيارين ؟

الدروب شيبينج :

شيء غير معروف بالنسبة لي ... عمر وحسن حكوا لي عنه وقالوا لي إنه مربح جدًا ...لكن أنا ما اعرفش عنه حاجة .. ما رسمتش خططته

وعلى حسب الواضح ليا > إني ببيع منتجات مش بتاعتي (بالوكالة) بشكل كبير وموسع بين دول مختلفة واكسب فرق الأسعار وبيكون مكسب رهيب في السلعة

وده كارير تسويقي وتجاري ... غير كاريري نهائي وما اتعلمتوش وما اعرفش مخاطره ولا أعرف أي حاجة عن أمه

محتاج أجربه واشتغل فيه واشوف مخاطره ومميزاته وعيوبه


الخيار الأول ليس مجرد دروب شيبينج ولكنها البداية

الخيار الأول هو مشاركة بعضنا البعض في الحياة العملية >> شيء جميل وسامي ... لكن فيها دماغين مفكرين وعندهم أحلام آلياتهم مختلفة ، وبالتالي المركب على الغالب هتقع أو هتقضي على أحد الأدمغة بغير عمد

أنا مرعوب من الكلام ده ... لأن الفرقة عمرها ما كانت خير ..

لكن مش حاسس إن دي الشراكة والتعاون اللي المفروض أعملهم

وإن كثيرًا من الخلطاء ليبغي بعضهم على بعض

avatar
في الثلاثاء يونيو 19, 2018 10:11 pmخالد حربي
عيب خيار طموحي ...

بالنسبة لحياتي مفيش عيب

حاجة أنا بحب أعملها - فلوسها كتير أوي (لكن أقل من المشاركة) - درست لها - رسمت لها خطة

فمش شايف عيب ... وقد أكون مخطئ

القلق الوحيد .. هو قلقي من القرارات السياسية وقلقي من عدم النجاح أو الصعود (أوله يعني)

avatar
في الأربعاء يونيو 20, 2018 6:20 amخالد حربي


مثلاً
صلاحيات هذا المنتدى:
تستطيع الرد على المواضيع في هذا المنتدى